IMPORTANSIA EXTRAKURIKULER IHA ESKOLA

Atividades extrakurikuler mak nudar atividades edukasional ne’ebe fora husi oras eskola nian la hola parte iha porsesu aprendisazen normal,  extrakurikuler importante tebes tamba bele ajuda dezenvolvimentu estudante sira iha prosesu aprendijazem ne’ebe fora husi kuríkulu akademiku nian.

Extrakurikuler sai hanesan fatin ida atu koko abilidade no kuiñesementu, treina kapasidade social, funda karakter, disiplina no hasae efisiensia hodi maneja tempu ba prestasaun ne’ebe diak liu.

Benefisiu atividade extrakurikuler  ba estudantes sira mak fo oportunidade  atu kanaliza gosta (hobi), kreatividades no haklean kuiñesementu ne’ebe la hetan iha klase laran durante iha prosesu aprendijazem.

Extrakurikular mos nudar formasaun karakter hodi treina estudantes sira nia independensia, responsablidade, komitmentu no atetudu desportivu iha ambiente ne’ebe kompetetivu iha eskola.

Atividades extrakurikuler iha Eskola Ensino Sekundariu Geral Nino Conis Santa ne’ebe halao iha loron sábadu mak hanesan, football, volleyball, basket ball,  no mos treina estudantes sira hodi halo marsa, hananu Hino Nasional hodi prepara ba atividades hasae Bandeira Nasional  kada loron Segunda feira inklui treina baku drum band.

Atu hasa’e tan estudantes sira nia kuinecementu liu-liu atu kuida meu ambiente iha eskola, estudantes sira mos hala’o atividades sira mak hanesan hamos Jardin, kuda aifunan, tau rai metan hodi hamatak no hafurak liu tan areadores eskola nian , atividade ne’e lidera husi xefe da turma kada klase no tau matan husi manorin sira.

KONKLUSAUN

Extrakurikuler iha eskola hanesan fatin  ida importante ne’ebe hala’o fora husi oras eskola nian ne’ebe ho nia funsaun optimiza talentu, interese no potensialidade estudantes.

Atividade extrakurikuler iha eskola importante los ba desenvolvimentu estudante sira atu hasa’e abilidade, koñesementu, talentu no kreatividade estudante sira nian.

Atividades ne’e laos treina kuiñesementu fíziku no tékniku maibe nudar mos meus ida ne’ebe efetivu hodi forma karater, disiplina no kapasidade social kanorin sira nian.

Hakerek                             : Milénia no Veríssima

Koresaun                            : Equipa Formador Jornal Parede Dijital (JPD) DNDM–SEKOMS