JPD – ESGP-NKS ERMERA, 08 Junhu 2026 – Sekretaria Estado Komunikasaun Sosial (SEKOMS) kontinua servisu hamutuk ho Childfund fasilita formasaun durante loron rua konaba aplikasaun swipe safe no jornalismu baziku ba manorin nain sira iha Salao Escola Secundaria Geral Publico Nino Konis Santana – Ermera, Segunda semana ne’e (08/06).
Iha abertura Alberto Ribeiro, Xefe Departamentu Estudo Promosaun Desenvolvimento Média (DEPD) – SEKOMS hateten objetivu husi fiormasaun ne’e, atu hasa’e konhesementu konaba oinsa hakerek no upload informasaun ka atividades eskola nian inklui informasaun konaba swipe safe ou informasaun komaba protesaun ba labarik iha Plataforma online, liu husi webside Jornal Parede Dijital eskola nian.
“Treinamentu konaba jornal parede dijital ne’ebe realiza dadaun iha Esckola Secundaria geral Publico – Nino Konis Santana Ernmera ne’e nudar kooperasaun ida entre SEKOMS ho ChildFund hodi fahe konhesementu ba manorin nain sira konaba utilizasaun aplikasaun swipe safe ka seguransa online ba labarik sira no oinsa bele hakerek, públika informasaun hirak ne’e liu husi website Jornal Parede Dijital Eskola nian”, Dehan Alberto.
Xerfi Departementu ne’e mos haktur katak bainhira eskola seluk ne’ebé iha hanoin atu establese Jornal Parede Dijital iha eskola ida-idak bele manda pedidu bai ha Gabinete Secretaria Estado ba Komunikasaun nian, hafoin maka ekipa bele dezenha website eskola nian.
Iha sorin seluk Napoleão Rodrigues Vieira, Reprezentante husi ChildFund iha ninia intervensaun hateten iha mundo ohin loron internet iha desenvolvimentu ne’ebe maka’as no akompanha ho risku ne’ebe bo’ot, tanba ne’e ChildFund servisu hamutuk ho Secretaria Estado ba Komunikasaun Social (SEKOMS) atu promove seguransa online ba labarik no komunidade sira liu husi Jornal Parede Dijital iha eskola – eskola.
“Importansia husu Swipe Safe mak oferese konhesimentu seguransa online ba labarik sira hodi konhese risku online sira no hatene oinsa asegura sira nia an husi risku sira ne’e, liu husi JPD no Dijita Suku, komunidade no labarik sira bele asesu mos Aplikasaun Swipe Safe hodi Pratika seguransa online atu ema hotu bele moris iha enviromentu online ne’ebe seguru no saudavel”, tenik Napoleão.
Entretanto formasaun ne’ebe halao durante loron rua, hahu husi Segunda to’o Tersa feira (08-09 Junhu) semana ne’e, halao iha Salaun Escola Secundaria Greral Publico – Nino Konis Santana – Ernera, partisipa husi partisipante nain sanulo resin ha;at kompostu husi professor no profesores, pessoal radio comunidade Café no pessoal husi Suku Dijital Poetete-Lodudu. ***
Leave a Reply