Gleno, 13 de Jullu 2026 – Eskola Sekundariu Geral Nino Conis Santana(NCS) Gleno ofisialmente hahú Exame Segundu Periodu ba tinan letivu 2026, iha loron segunda, 13 de Jullu 2026.Exame ne’e realiza tuir kalendariu Akademiku Ministériu Edukasaun.
Antes exame hahú, husi Diresaun Eskola fó orientasaun ba estudante sira atu tau importánsia liu ba disiplina, pontualidade no onestu durante prosesu exame nia laran. Professor no fiskál sira prepara sala exame no asegura katak prosesu exame la’o ho diak, ordenadu, seguru no transparente.
Exame Segundu Periodu nu’udar etapa importante iha prosesu aprendizajen atu avalia koñesimentu, habilidade no kompeténsia estudante sira nian ne’ebe hetan durante segundu periodu. Liu husi avaliasaun ida ne’e, eskola bele hare progresu estudante sira no prepara estratéjia atu hadia liutan prosesu ensinu no aprendizajen.
Diresaun Eskola NCS Gleno hato’o apresiasaun ba profesór, funsionáriu, estudante no parte sira hotu ne’ebe fo apoiu. Espera katak estudante hotu bele halo exame ho responsabilidade, onestu no hakmatek, atu hetan rezultadu ne’ebe di’ak durante semana ida nia laran.
Hakerek husi: Professora Aguida Soares
Leave a Reply