Vice – PM Mariano Assanami Sabino sei Vizita Munisipiu Ermera

Formando ida husi Jornal Parede Dijital ESGP-NCS Ermera halao hela intervista ho Diretora Interina, Julieta M. Ximenes L.Ap iha ninia servisu fatin, Tersa, 09 Junhu 2026. (Foto : Aguida)

JPD-ESGP-NCS, 09 Junhu 2026 – Tuir planu Vise – Premeiru Ministru no Ministru Koordenador Assunto Sosiais Mariano Assanami Sabino sei halao visita mai Munisipiu Ermera iha fulan Junhu nia laran. 

Diretora Interina, Julieta M. Ximenes L.Ap ba Ekipa Jornal Parede Dijital Escola Secundaria Geral Publico Nino Conis Santana – Ermera,Tersa (09/06) semana ne’e hateten objektivu husi visita Vice – Premeiru Ministru Mariano Assanami Sabino mai iha munisipiu Ermera ne’e atu halao dialogu ba nivel ensino secundario Geral no Ensinu Tekniku Vokasional hotu iha Munisipiu Ermera.

“Vizita husi Vice Primeiro Ministro mai iha ne’e, hare’e liu ba asuntu edukasaun ne’ebe hola parte iha assunto social. objetivu seluk husi visita ida ne’e maka atu halo dialogu escolar ba nivel ensino Secundario Geral sira hotu iha munisipiu Ermera”, dehan Diretora Interina ne’e. 

Diretora Interina ne’e mos informa katak liu husi visita ida ne’e, Vice Primeiro Ministro sei mai ho equipa husi Ministeriu Edukasaun no mos Secretario Estado Ensino Secundario Tecnico Vocasional no Secundario Geral.

“Rekomendasaun ba Vice Primeiro Ministro no Ministerio Edukasaun maka liga ba asuntu ne’ebe nesesariu no relevante ho existencia edukasaun nian atu hadia diak liu tan ba futuro.maka hanesan oinsa kria ambiente Escola Secundaria Geral Publico Nino Conis Santana ne’ebe ho diak. Oinsa kria regras sira ligado ba karakter professores no estudante sira no mos oinsa maka bele resolve numeru estudante ne’ebe barak liu iha eskola secundario Geral Nino Coni Santana Gleno Ermera no mos numeru profesores ne’ebe menus liu iha eskola ESGP-NCK Ernera.

Entretanto planu visita servisu husi Vise – Primeiru Ministru no Ministru Koordenador Assunto Sosiais Mariano Assanami Sabino mai munisipiu Ernera ne’e, sei realiza iha fulan  junhu nia laran maibe seidauk iha data ne’ebe fiksu. 

EKIPA JPD-ESGP-NCS ERMERA